Léttsaltaðir þorskhnakkar með volgu kartöflusalati

800 gr þorskhnakkar

4 msk maldonsalt

1 bolli vatn

Skerið hnakkana í litla bita og setjið í skál og stráið saltinu yfir. Bætið vatninu í og geymið í kæli í um 4-6 klst.

KARTÖFLUSALAT

200 gr  litlar nýjar kartöflur

100 gr skalottulaukur

200 gr grasker

200 gr kúrbítur

100 gr kirsuberjatómatar

Pipar

2 msk hvítlauksolía

½ búnt bergmynta (oregano)

Skerið  kartöflurnar í fernt, flysjið laukinn og graskerið. Skerið graskerið og kúrbítinn í álíka stóra bita og laukurinn og tómatarnir eru.

Setjið kartöflurnar í stórt eldafast mót og piprið. Hellið hvítlauksolíunni yfir og bakið í um 25 mínútur við 180°C.

Þegar kartöflurnar hafa verið í ofninum í 5 mínútur bætið þá skalottulaukunum í mótið, 5 mínútum seinna bætið graskerinu saman við. Eftir aðrar 5 mínútur bætið kúrbítnum og tómötunum einnig út í. Fiskurinn fer síðastur í mótið 5 mínútum seinna og allt bakað í 5 mínútur til viðbótar.

Steikið bergmyntustönglanna á pönnu í olíu í um 1 mínútu á hvorri hlið og kælið aðeins, setjið þá svo yfir salatið á eftir olíusósunni.

OLÍUSÓSA

4 msk rifinn parmesan

2 msk eplaedik

2 dl ólífuolía

Pipar

Blandið öllu saman og hellið yfir kartöflusalatið