Steinbítur bakkabræðra

500 gr gulrótarsalat (sjá uppskrift að neðan)
800 gr steinbítur
400 gr spergilkál
Grænmetiskraftur
Pipar og salt
Blóm af kóríander og dillplöntu (má nota kryddjurtina).

GULRÓTARSALAT
500 gr gulrætur
1 msk engifer
1 msk hunang
1 dós grískt jógúrt

Skrælið gulrætur og rífið fínt. Bætið fínt söxuðu engifer, hunangi og grísku jógúrti saman við og hrærið vel.

STEINBÍTUR
Setjið vatn til suðu bætið grænmetiskrafti út í og skerið steinbít og spergilkál í bita. Setjið þau út í pottinn og sjóðið í um tvær mínútur. Setjið í þrjár skálar, fiskinn í eina, spergilkál í aðra og gulrótarsalatið í þá þriðju. Saltið og piprið. Setjið kryddurtablómin yfir steinbítinn.